„НЛБ Банка“ го одбележува јубилејот – 40 години работа, со меѓународната конференција „NLB Next“ посветена на иднината на банкарството. Претставници на Банката велат дека секој четврт вработен и секој четврт пензионер во земјава е клиент на НЛБ.
Вкупното кредитно портфолио на Банката, заклучно со 2024 година, изнесува 1,4 милијарди евра, што претставува 18 отсто од вкупните бруто кредити во државата. Според овој параметар, Банката е на второ место на пазарот. Од дадените кредити, 35% се заеми кон компании.
Пазарниот удел на НЛБ во банкарскиот сектор изнесува 16 отсто, што ја прави трета најголема банка во Македонија.
