Се зголемува бројот на затруени во РЕК Битола – околу 150 вработени побарале лекарска помош со симптоми како силни стомачни болки, мачнина и повраќање. Сите јаделе ист оброк – макарони со болољезе сос. Во моментов околу 40 луѓе се на дневно лекување, додека едне пациент е хиспитализиран во битолската болницата од Истата храна јаделе вкупно 300 луѓе.
„Тие се со лесна до средна клиничка слика, течни столици, повраќање, некои со температура, дехидрирани. Повеќето се следат амбулантски, некои ќе доаѓаат и 2-3 дена за инфузија и следење, еден е пратен за хоспитализација“, изјави д-р Хараламбос Сидиропулос, инфектолог во болницата.
По масоното труење Агенцијата за храна и ветеринарство и Државниот здравствен и санитарен инспекторат ја затворија мензата во комбинатот. Таа останува под клуч се додека не се добијат конечните резултати од анализите. Во меѓувреме, инспекторите наредија вонредно чистење и темелна дезинфекција, како и санитарни прегледи за сите вработени.
“До овој момент немаме првични информации за резултатите џа брисеви од работни површини. Ние како ДСЗИ издадовме решение за забрана на користење на кујната” вели директорот на ДСЗИ.
Инспекциските служби при вонреден надзор во централната кујна на РЕК Битола, утврдиле сериозни хигиенски недостатоци нечистотија, оштетена опрема и несоодветни услови за работа. Дополнително, констатирано е дека дел од вработените немале важечки здравствено-хигиенски прегледи.
Од АД ЕСМ и ЕСМ Молика велат дека во однос на затворањето на кујната, станува збор за вообичаена превентивна постапка што се применува во вакви ситуации, со цел да се обезбеди заштита на здравјето на вработените додека траат испитувањата.
Поради сомнежите за труење со храна, Основното јавно обвинителство во Битола е веќе известено и активно ги координира сите активности со цел целосно расветлување на случајот.
Инаку, во комбинатот има повеќе од 3.500 вработени. Работничката менза во РЕК Битола беше обновена во септември лани, по пауза од речиси 20 години.
