Европски услови, светска апаратура и седум нови операциони сали – градската болница „8 Септември“ во Скопје е реконструирана. Обновени се хирушките сали и делот за интензивна нега, реновиран е и блокот за патологија и биохемија, набавени се современи медицински апарати каде што ќе биде олеснето лекувањето на пациентите. Има и модернизација на апартите за дијагноза на болести.
Проектот за реконструкција на болницата чини 12 милиони евра, и е дел од големиот инвестициски циклус за реконструкција на здравствени установи а парите се обезбедени од ТАВ проект.
Премиерот Христијан Мицкоски најави дека Владата активно работи на проекти за реконструкции на други здравствени установи, затоа како што вели дека граѓаните заслужуваат модерни здравствени стандарди.
“Очекувам дека до крајот на годината ќе биде и првата хируршка интервенција отпочната и успешно завршена од ова што можам како динамика да го видам којашто се случува овдека, така што јас би сакал да спомнам уште еден факт што не го кажа директорот, можеби затоа што е скромен, а тоа е фактот дека од стотици милиони долгови сега болницата работи позитивно, односно работи во интерес прво на пациентите, а потоа и задоволството на здравствените работници коишто се тука” изјави премиерот Христијан Мицкоски.
Здравствените власти неодамна најавија дека „8 Септември“ ќе стане регионален центар за лекување на пациенти од Скопје, Куманово и Велес.
Според нив, дел од болничките капацитети низ државата не се искористени како што треба, а од сите нив, најблиску до стандардите за нешто повеќе и подобро има ГОБ „8-ми септември“.Затоа што со најмало вложување ќе се добие најдобар одговор за подобри здравствени услуги.
