Спречување на корупција и судир на интереси, формирање на работна група за идентификација на недвижниот имот, поголеми ресурси за институциите кои се бават со спречување на криминал, соработка со граѓанскиот сектор се само дел од реформите кои ги спроведе владата а се дел од стратегијата за добро владеење, истакна вицепремиерот за добро владеење Арбен Фетаи на денешниот отчет за сработеното во првите 100 дена.
,,Сакајќи конкретно да ја поддржиме борбата против корупцијата, подготвивме компаративна анализа на буџетот и човечките ресурси во антикорупциските институции. Во владата, веќе следната недела ќе излеземе со конкретен предлог за обезбедување на потребни средства за работа на министерствата директно вклучени во борба со криминалот. Ќе се обезбедат дополнителни средства за за јавното обвинителство и другите правосудни органи. На наша иницијатива и врз основа на препораките на државниот завод за ревизија, Владата го одбори предлогот за формирање на работна група која ќе има задача да го состави регистерот за идентификација на целиот недвижен имот на државата,, кажа Фетаи.
Реформските цели на владата и натаму ќе бидат насочени кон целосно спроведување на транспарентност и отчетност во работата на владините функционери нешто што не било практикувано од претходната власт, истакна Фетаи
,,Наследената состојба е многу потешка од што очекувавме, наследивме над 200 милиони евра непланирани трошоци во државниот буџет неплански потрошен за првите 6 месеци од годинава, држава која ја напуштаат младите. Крајна сиромаштија, над 600.000 илјади жители живеат со 150 дневно, нагласи Фетаи.
Приоритетите на владата остануваат борбата против криминалот, корупцијата, унапредување на институциите и зголемување на довербата во праводусниот систем.
Даниел Ѓорѓевски
