По долг период на загуби, штипското комунално претпријатие „Исар„ најавува финансиска консолидација. Раководството очекува до крајот на наредната година претпријатието конечно да заврши со позитивно салдо, со подмирени обврски и симболична добивка од околу половина милион денари.
Во моментот се сервисираат заостанатите долгови рати од кредит кој беше покриен од Министерството за финансии, како и извршно решение од околу 38милиони денари за неплатена струја. По овој основ месечно се исплаќаат по 4милиони денари.
„Моментално ги исплаќаме заостанатите долгови-регрес за годишен одмор, буквално ги исплаќаме сите долгови кои се доспеани во минатото, како и тековните. Во моментот ја работиме Програмата за 2026 и истата покажува дека на крајот од наредната година ќе бележиме симболична добивка од околу 400.000 до 500.000денари„ изјави Александар Арсовски, дир.на ЈП Исар.
Во наредната година клучен фактор за намалуваање на целокупниот долг на претпријатието ќе биде инсталирањето на Скада системот, кој ќе овозможи прецизно детектирање на кражбите на вода и дефектите во водоводната мрежа. Според податоците на претпријатието, дури 62% од водата се губи поради дотраената мрежа и дивите приклучоци, што годишно претпријатието го чини околу 2,5милиони евра.
„Веќе е избран економски оператор што ќе ја почне изведбата на системот. Станува збор за скложен систем, кој ќе регенерира заштеди по основ загуби на вода„ изјави Арсовски.
Инсталирањето на Скада системот ќе чини околу 600.000евра, средства од вториот владин повик обезбедени од унгарскиот кредит.
