Државата најавува засилена активност за зголемување на свеста кај семејствата на Ромите за потребата од едукација. За надминување на состојбата, Министерството ангажира 40 ромски медијатори и воведува алтернативни образовни можности.
Кај ромската заедница и понатаму е присутен проблемот со нередовно посетување на наставата; дури и оние кои се запишани на училиште често го напуштаат школувањето, а сепак се водат како редовни ученици.
Како што вели министерката за образование и наука, честите преселби и културните навики дополнително го отежнуваат процесот на инклузија.
