Дел од 100-те автобуси кои Владата ги ветила за потребите на ЈСП „Скопје“ треба да стигнат годинава, рече градоначалникот Орце Ѓорѓиевски на седница на Советот за Скопје.
Тој рече дека дополнително, со продолжување на БРТ проектот, ќе бидат набавени уште 30 автобуси. „Од ЕБОР утринава ни е стигнато писмо со коешто конечно се откочува и го продолжуваме проектот поврзан со БРТ и изградба на истиот.
Она што нас ни следи како обврска и треба да го испорачаме е да формираме проектна единица за многу скоро време и да направиме измена во планот за јавните набавки. Освен овие 100 автобуси кои Владата треба да ги испорача за градот Скопје, ќе има уште најмалку 30 автобуси кои преку проектот БРТ ќе бидат дополнително обезбедени од градот Скопје и за брзо ќе ја започнеме тендерската постапка и со тоа“, рече Ѓорѓиевски.
