Речиси 246 милиони денари или над четири милиони евра се инвестираат во инфраструктурни проекти во Неготино. Дел од проектите е изградба на улици, водоводни и канализациски системи, паркови, кружен тек, плоштад…

Вицепремиерот и министер за транспорт Александар Николоски вели дека сето тоа многу значи и за локалното население и за локалното стопанство.

– Драго ми е што градоначалничката внесе една нова енергија и се забрзуваат голем број проекти со поддршката од Советот, поддршката од Владата и лично од премиерот Мицкоски. Имаме комплетно нова слика за општината Неготино. Мислам дека тоа многу значи и за локалното население и за локалното стопанство. Во моментот, само преку програми кои се од Владата преку Министерството за транспорт, се инвестираат речиси 246 милиони денари или над четири милиони евра во изградба на улици, водоводни и канализациски системи, паркови, кружен тек, плоштад, така што многубројни се проектите што се работат и ќе се работат во Неготино – порача Николоски, кој денеска заедно со премиерот Христијан Мицкоски е во посета на Неготино.

Најави дека и во следниот период ќе продолжи поддршката кон локалната самоуправа и дека ќе се разговара за нови проекти.