Катастрофалното раководење на Венко, Заев и СДСМ со државните институции, сојузништвото со криминалот и корупцијата, како и понижувањата на национално ниво, натера голем број наши сограѓани да ја напуштат повремено или пак трајно нашата држава, изјави денеска на прес-конференција портпаролот на ВМРО-ДПМНЕ, Валентин Манасиевски, стои во партиското соопштение.
Венко Заев и СДСМ, не само што ги избркаа граѓаните од државата, сега не сакаат ниту да им го олеснат начинот на гласање на изборен циклус во Македонија, затоа што знаат дека нема да ја добијат нивната поддршка односно поддршката од страна на македонската дијаспора и поради тоа, жестоко го блокираат Изборниот законик со над 10 илјади амандмани.
Тоа е вистинската причина за блокада на Изборниот законик. Страв од уште поголем пораз на следните избори.
Јасно се гледа дека Венко Заев нема никаква визија во својата политика, освен да и наштети на државата и нејзините граѓани на било каков можен начин.
Изборниот законик го поздравува и Амбасадорот на ЕУ во Македонија, господинот Михалис Рокас, кој додаде дека Македонија ја исполнува обврската која ја има преземено во делот на испорачување на Реформската агенда и јасно бара консензус на сите политички партии за овој Закон, само Венко Заев се противи и смета дека доколку создава блокада на реформските закони дека така ќе добие политички поен повеќе.
Граѓаните ја прочитаа намерата на Венко Заев и СДСМ и затоа на следниот изборен циклус ќе ги доведат на маргините.
