Во просториите на Јуроп Хаус во Битола, вчера се одржа завршната конференција на проектот на Европската Унија „NO1BEHIND“ („Никој зад“), чија цел е да го зголеми учеството на децата и младите со попреченост во спортот и да промовира активен начин на живот како основа за порамноправно и инклузивно општество.
Координатор на проектот е Гордана Цветковска Бошевска од Центарот за активни млади – Битола во партнерство со организации кои работат со млади со попреченост од Шпанија и Португалија.
На конференцијата, како што соопштија од Центарот за активни млади – Битола, бил презентиран Прирачник со искуствата и препораките на сертифицираните тренери за спорт со попреченост од проектот кој ги содржи основните практични методолоогии, принципи, адаптации и примери што можат да се применат во различни спортови и физички активности за лица со различни видови на попреченост.
-Конференцијата предизвика големо внимание кај децата и кај родителите со деца со попреченост и истата беше посетена од 85 лица, велат од Центарот за активни млади – Битола.
