Вработените во ЈУ Национален парк „Пелистер“ во соработка со локалното население од подпелистерските села Трново и Магарево извршија уредување на дворот на црквата Пресвета Богородица, основното училиште и џамијата во Трново и манастирот Св. Ѓорѓи во Магарево каде се поставени нови клупи и места за одмор.
Станува збор за места кои се дел од богатото културно – историско наследство на регионот, значајни црковни споменици и места каде најчести посетители се жителите на поширокиот регион на Битола.
ЈУ Национален парк Пелистер континуирано е посветен на соработката со локалното население и секогаш сме благодарни за поддршката од локалците во насока на зачувување на ова наше големо и непроценливо природно богатство, информира Иванчо Тошевски, директор на ЈУ Национален парк „Пелистер“ Битола.
