Два дена молк. Екс-министерот за здравство Филипче и првиот човек на „БРАКО“ Анѓушев како да пропаднаа во земја. Ниту збор, ниту демант, ниту реакција за индиректните обвинувања дека и тие се виновни за пожарот во тетовската модуларна болница каде живи изгореа 14 луѓе. Филипче треба да одговори зошто контроверзниот тендер за изградба на монтажните болници бил спроведен како набавка на парчиња, а не како цел објект и така заобиколиле потребните градежни и безбедносни протоколи. Фирмата „БРАКО“ на Анѓушев треба да одговори зошто работела без почитување на пропишаните стандарди, односно користеле материјали кои биле лесно запаливи и биле причината пожарот толку брзо избувнал. Алфа се обрати и до Филипче и до Анѓушев, но одговор не добивме.
Од друга страна, истрагата која се води во Обвинителството за организиран криминал и корупција е само да утврди дали е испочитувана законската процедура што се однесува на распишување и доделување на тендери, но не и за тоа дали тој што го распишал тендерот и тој што градел имаат вина за пожарот и за смртта на 14-те луѓе. Таква истарага не е во надлежност на организиран криминал, туку на основното обвинителоство, кое пак засега случајот го заврши со пресудата за директорите и болницата.
Алфа неофицијално од свои извори дознава дека во обвинителството за организаран криминал се размислувало после пожарот да се отвори истрага и против Филипче и Анѓушев, префабрикуваните модуларни болници, но, под политички притисок таа истрага никогаш и не започнала.
Во исто време, Филипче бил повикан да даде исказ од обвинителот Бесир Алиу кој го води предметот во тетовското обвинителство. Во тој разговор на прашања, екс-министерот се оградил од се, односно дека не дал никакви упатства и насоки како да работат модуларните болници, ниту пак дал упаство за користењето на кислородот, што било една од причините за брзото избувнување на огнот.
ИСКАЗ НА ВЕНКО ФИЛИПЧЕ даден на ден 06.10.2021:
На прашање на јавен обвинител дали Министерот за здравство има издадено упатство по однос на употребата на кислородот во модуларните болници, истиот одговори: Не за тоа си одлочуваше секој директор на болницата соодветно.
Во истиот исказ, Филипче тврди дека МЗ имало стручњаци кои давале насоки какви контејнери и материјали да бидат користени, но никој од нив, не беше во предметот за пожарот во тетовската модуларна болница.
Викторија Миткова
