Општина Чаир денеска ја посетиле учесниците на Летната школа 2026, организирана од Муфтиството на Скопје под мотото „За посветла иднина“.
Учесниците биле пречекани од претседателот на Советот на Општина Чаир, Мухамед Муртези, заедно со раководителите на секторите, кои ги запознале со организацијата и функционирањето на општинската администрација, нејзините надлежности и услугите што им ги обезбедува на граѓаните.
За време на посетата, како што информираат од општинската прес-служба, учесниците имале интерактивен разговор, поставиле бројни прашања за функционирањето на локалната самоуправа, а потоа ги посетиле канцелариите и секторите на Општина Чаир, каде што одблиску се запознаа со секојдневната работа на општинската администрација.
Посочуваат дека Општина Чаир останува посветена на поддршка на образовни иницијативи кои го поттикнуваат запознавањето со институциите, граѓанското учество и едукацијата на младите генерации.
