Министерот за правда, Јетон Шасивари, денеска оствари работна средба со претседателката на Нотарската комора, Цеца Малева – Стоев.
На средбата, како што информираат од Министерството за правда, биле разгледани актуелните прашања поврзани со функционирањето на нотаријатот, со акцент на потребата од измени на Законот за нотаријат, унапредување на дигитализацијата на нотарските услуги и надминување на предизвиците во примената на постојните законски решенија.
Од Министерство информираат дека остануваат посветени на отворен и конструктивен дијалог со Нотарската комора како важен чинител на правосудниот систем, со цел унапредување на владеењето на правото и зголемување на довербата на граѓаните во институциите.
