Хаос во Бугарија. Само неколку месеци по формирањето на новата влада, премиерот Румен Радев се соочува со првите масовни антивладини протести. Илјадници граѓани синоќа излегоа на улиците во Софија, изразувајќи незадоволство од политиките на актуелната власт, под водство на Радев.
Главниот повод за протестите, според организаторите, е политиката на премиерот, за која тврдат дека ја оддалечува Бугарија од европскиот пат. Дополнително незадоволство предизвика и блокирањето на пакетот санкции на Европската Унија кон Русија, како и ставот на бугарската влада во однос на рускиот патријарх Кирил.
„Радев е бугарскиот Јанукович. Владеењето на ваквите руски агенти води кон војна ако не бидат соборени навреме“, порачаа организаторите на протестот, пренесуваат бугарските медиуми.
Организаторите најавија нов протест и следната недела, со порака дека притисокот врз Владата ќе продолжи.
