Собранието денеска треба да ја почне 108-та седница, а потоа да ја продолжи 106-та пленарна седница.
Пратениците треба да гласаат за Дополнетиот предлог на закон за парничната постапка, Предлог на закон за високи раководители, Дополнетиот предлог на закон за користење на енергијата од обновливи извори и Дополнетиот предлог на закон за оружјето, сите во второ читање. На предложениот дневен ред е и Предлог на закон за изменување и дополнување на Законот за земање и пресадување делови од човечкото тело заради лекување, по скратена постапка. Се очекува дневниот ред за седницата да се дополни.
На 106-та седница на дневен ред се останати измените и дополнувањата на Законот за основното образование, на Законот за средното образование, на Законот за работно ангажирање на лица, на Законот за Советот на јавните обвинители на Република Северна Македонија и на Закон за безбедност на сообраќајот на патиштата, сите по скратена постапка, како и Предлог на закон за финансиски лизинг, по скратена постапка.
