Професор Лазар Јовески кој беше назначен за помирувач во случајот УЈП побарал да биде изземен од процесот, затоа што не е во Македонија и не можел да го запази законскиот рок од три дена , за да го повика синдикатот. Во меѓувреме од УЈП чекаат да ги повика медијаторот , и се децидни, доколку не се најде решение ќе стапат во генерален штрајк,. Од синдикатот објаснуваат , дека тие имаат поинаков колективен договор од останатите административци и целосен законски основ да имаат повисоки плати , кој не ги добиваат.
Сега е тој на потег, треба да не контактира , на која ќе направи средба . Во зависност од она што тој ќе утврди, ако се најде решение законско и во основа на колективен договор ќе биде во ред , ако не одлуката за штрајк е донесена и си стои како таква и откако ќе поминат сите процедури согласно закон , вели Васе Неданоски претседател на синдикат на УЈП
Вицепремиерот за економски прашања е оптимист дека ќе најдат решение и не очекувал дека ќе има генерален штрајк . Според него решението за целата администрација која бара покачување на платите лежи во системското решение за кое ќе се дискутира во четврток на економско социјалниот совет . Наместо одговор пак кога фунцкионерите ќе си ги намалат платите, Битиќи рече и за нив ќе важело тоа системско решение.
Јас сум оптимист дека решение ќе се најде и дека мерката на генерален штрајк не би требало да се случи затоа што сметам дека тоа што вработените во Управата за јавни приходи, како и сите други вработени во јавниот сектор е достоинственост на работните места каде работат и платите кои ги добиваат. Ние сме подготвени да разговараме, изјави Битиќи.
Вработените во УЈП го кренаа гласот откако вработените во Министерството за финансии добија 30 отсто покачување и го бараат истото и за нив. Вицепремиерот повторно за ова посочи да имало автентично толкување во Собрание.
Кристина Алексиеска
