Приведени биле три лица во текот на вчерашниот ден по претреси на скопската територија и пронајдени дрога, пиштол и куршуми, соопштија денеска од Министерството за внатрешни работи.
– На подрачјето на Бит Пазар, полициски службеници од Единицата за интервентна полиција при СВР – Скопје ги лишија од слобода С.Б. и Е.А., на возраст од 21 и 33 години, двајцата од Скопје, затоа што при извршен претрес од страна на полициски службеници од Единицата за недозволена трговија при СВР – Скопје во нивните домови, по добиена судска наредба, пронајдени и одземени биле 58 кесички со бела прашкаста материја и дигитална вага – појаснија од МВР.
Уште едно лице било лишено од слобода затоа што му биле пронајдени пиштол и куршуми.
– Во село Сарај, Скопско, полициски службеници од Единицата за интервентна полиција при СВР – Скопје го лишија од слобода М.А., на возраст од 40 години од село Радуша, Скопско, затоа што при извршен претрес од страна на полициски службеници од Единицата за недозволена трговија при СВР – Скопје во домот, по добиена судска наредба, пронајдени и одземени биле пиштол „глок“ калибар 9х9 мм, една рамка и 13 куршуми – информираа од МВР.
Во соопштението се додава дека по целосно документирање на случаите, ќе следуваат соодветни поднесоци.
