Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.
Како што информираат од ДЗС, станува збор за граната што била истрелана, но, не експлодирала. За пронајденото убојно средство, ДЗС Битола ја примила дојавата преку единствениот повикувачки број за итни случаи 112.
