Реклама

Модернизација и дигитализација за поконкурентно земјоделство

Аларм од надлежните дека опасна онлајн група демне деца и кај нас во Македонија

Пензионерите на нозе – бараат отчет и смена на Трајкова за која тврдат дека е нетранспарентно избрана на функцијата

„One Stop Shop“ на Ќафасан за забрзано движење меѓу Македонија и Албанија

Митовски ги исполитизира и кравите – Советниците од ВМРО-ДПМНЕ бараат решение за проблемот

Мицкоски: Коридорот 8 ќе биде целосно завршен во 2029-та, автопатот Кичево-Охрид во вториот квартал од 2027-мата година

Хаос и протести наместо решение – Митовски не го прифаќа акцискиот план на ВМРО ДПМНЕ за проблемот со кравите

Избрана фирма која ќе го подготви проектот за решавање на депонијата Буково

Капиталните проекти со реализација од 70% – Владата гради, но и враќа стари долгови наследени од претходната власт

Во Македонија подобро се живее од пред три години, кога власта ја водеа СДСМ и ДУИ

Мицкоски: Алта банка ќе се продаде, сите шпекулации и невистини на опозицијата паднаа во вода

Домот за стари лица во Прилеп со нови идеи за подобрување на условите за своите штитеници

Економија

МЕРМС: Гасниот интерконектор со Грција напредува според планот, завршувањето се очекува следната година

Гасоводниот интерконектор со Грција ќе биде завршен во текот на наредната година,…

Сподели:
Фото: Алфа Вести

Гасоводниот интерконектор со Грција ќе биде завршен во текот на наредната година, во согласност со утврдените рокови и планови за реализација, информираат од Министерството за енергетика, рударство и минерални суровини, каде денеска се одржала средба на ресорната министерка Сања Божиновска, со извршниот директор на НОМАГАС АД Скопје, Недим Рама, и главната извршна директорка на грчкиот оператор на системот за пренос на природен гас ДЕСФА, Марија Сферуца.

На средбата биле разгледани тековните активности за изградба на интерконекторот на двете страни од границата, како и динамиката за реализација на договорните обврски.

– Во фокусот на разговорите беше потврдената заедничка определба проектот да се реализира во согласност со утврдените рокови, преку интензивна координација меѓу институциите и операторите, со цел да се обезбеди нов, сигурен и диверзифициран пристап до природен гас за Македонија. На средбите беше потврдена заедничката оценка дека гасоводниот интерконектор ќе биде завршен во текот на наредната година, во согласност со утврдените рокови и планови за реализација – велат од МЕРМС.

Реклама

На средбата меѓу министерката Божиновска и главната извршна директорка на ДЕСФА, Сферуца посебен акцент бил ставен и на регионалната иницијатива „Вертикален гасен коридор“, која, потенцираат од МЕРМС, претставува значајна можност за унапредување на енергетската поврзаност, зајакнување на сигурноста во снабдувањето и интеграција на националните пазари во пошироките европски енергетски текови.

– Гасоводниот интерконектор со Грција е стратешки проект кој директно ја зајакнува енергетската безбедност на државата и отвора нови можности за диверзификација на снабдувањето. Нашата цел е Македонија да обезбеди стабилен пристап до различни извори и правци на енергија, а ваквите инфраструктурни поврзувања се клучни за поголема независност, конкурентност и отпорност на енергетскиот систем –  истакнала министерката Сања Божиновска.

Извршниот директор на НОМАГАС, Недим Рама, нагласил дека успешната реализација на проектот бара континуирана координација и партнерство меѓу сите вклучени страни, додека главната извршна директорка на ДЕСФА, Марија Сферуца, ја потврдила посветеноста на грчкиот оператор за навремена и успешна реализација на интерконекторот.

– Гасоводниот интерконектор со Грција претставува клучна инвестиција во енергетската иднина на Македонија. Со неговата реализација, државата ќе обезбеди пристап до нови извори на природен гас, ќе ја зајакне сопствената енергетска сигурност и ќе го унапреди своето позиционирање во регионалната и европската енергетска инфраструктура – потенцираат од МЕРМС.

Изградбата на гасоводниот интерконектор, чија делница на македонска страна е во должина од 66,7 проценти, почна на 9 јули лани. Ќе има иницијален капацитет од 1,5 милијарди кубни метри гас годишно, со можност да се зголеми до три милијарди кубни метри. Вредноста на проектот е околу 3,7 милијарди денари (60 милиони евра). Средствата се обезбедени со заеми од Европската инвестициска банка (ЕИБ) во износ од 28,9 милиони евра и од ЕБОР од 45 милиони евра како и инвестициски грант од 12,5 милиони евра преку ИПА инструментот на Европската Унија.