Министерот за односи меѓу заедниците, Агон Ферати денеска оствари работна средба со претставници на ИФЕС, на која се разговараше за значењето на соработката со меѓународните организации во поддршка на демократските процеси и институционалниот развој.
Во текот на средбата, како што информира Кабинетот на Ферати, беа разменети мислења за актуелните предизвици и потреби на Министерството, со посебен акцент на унапредувањето на институционалните капацитети и зајакнувањето на ефикасноста во спроведувањето на неговите надлежности.
-Во таа насока, како министерот Ферати, така и претставниците на ИФЕС, ја изразија подготвеноста за разгледување конкретни можности за соработка во области од заеднички интерес, вклучително и професионалниот развој на вработените и јакнењето на институционалните капацитети. Беше оценето дека континуираната соработка ќе придонесе кон зајакнување на институциите, промовирање на демократските вредности и подобрување на услугите во интерес на граѓаните, наведува Кабинетот на Ферати.
