Започна жетвата на јачмен, но земјоделците немаат оптимистички прогнози.Годинава цената за килограм јачмен пониска од лани. Освен проблем со ниската цена ќе имаат и со приносите, бидејќи дождот си го земна данокот. За да изглезат на крај бараат повисока откупна цена. Во моментот килограм јачмен од овогодинешната реколта се продава најмногу до 9денари.
“Годинава имаше многу болести и плевел од дождовите. Некој ќе имаат и 150килограми род. Ретки се тие што ќе имат 400 до 500килограми. Лани цената беше 16,50денари, а сега е 8денари, веднаш да се исплати, а 9денари за 90дена“ се жалат земјоделците.
Но ресорниот министер не го дели мислењето со земјоделците. Неговата проценка е дека годинава ќе има богат род, а што се однесува до цената, тоа не зависело од нив, туку од берзата на светскиот пазар.
“Повторно ја имаме највисоката цена во регионот и не е точно дека приносите се мали. Затоа барама да располагаме со точни и проверени информации и со факти“ изјави Љупчо Николовски, министер за земјоделство.
Ако не се корегира откупната цена, земјоделците од Овчеполието стравуваат дека догодина ќе се намалат површините посеани со јачмен.
“Земјоделецот ќе нема опинци да носи, ако се продолжи вака. Струја скапа, храна скапа, репроматрејали скапи. 1800денари 50килограми ѓубре. Како ќе се издрже? Ако не фрлиш ѓубре, нема род“ реагираат земјоделците.
Министерот најави зголемување на висината на мерката за продаден јачмен. Оваа реколта сите земјоделци кои ќе произведат над 3тони од хектар ќе добијат по 12.000денари. Откако ќе заврши жетвата на јачменот, ќе почне жетвата на пченицата.
Александра Ристовскa
