Го преживеа катастрофалниот земјотрес, но не и вчерашната бура. И часовникот на Старата железничка станица е оштетен од невремето.
Под силниот налет на ветерот, стрелката која ги покажува минутите е извиткана нанадвор. Еден од најпрепознатливите симболи на метрополата го покажува точното време кога, на 26 јули 1963 година, Скопје беше погодено од најголемата катастрофа во поновата историја. Иако половина од Железничката станица се урнала во тој момент, часовникот остана нечепнат, но заглавен токму во кобниот миг – 5 часот и 17 минути.
