Залудни се хистеричните обиди на СДСM за креирање страв, паника и неизвесност кај граѓаните. Прес-конференциите на СДСM за создавање хистерија за наводни ценовни шокови, скапотија, банкрот на државата веќе никој не ги слуша, се наведува во соопштението на ВМРО-ДПМНЕ.
Две години по ред викаат дека државата е во финансиски колапс и само што не банкротирала, но еве две години по ред Владата предводена од ВМРО-ДПМНЕ покажува како се консолидира економијата со континуиран раст на БДП од 3 или над 3%.
Вистината е дека СДСM се тие што ја оставија државата на раб на банкрот, со ограбени институции и осиромашени граѓани кои за време на седумгодишното владеење ја плаќаа нивната неспособност со рекордна двоцифрена инфлација.
Оттука се поочигледно е дека СДСM не можат да се помират со сегашните економски резултати и преземени мерки во време на енергетска криза кои цените ги држат под контрола, енергенсите со најниска цена од земјите во регионот, а инфлацијата на ниво од 3,4%.
Ако СДСM сака да зборува за економија, цени и инфлација, добро е да зборува со бројки кои најдобро опишуваат како живеат граѓаните сега, а како до пред две години кога скапотијата рушење европски рекорди.
