Министерот за дигитална трансформација, Стефан Андоновски, заедно со градоначалникот на Општина Прилеп, Дејан Проданоски, денеска, ќе ја посетат новата канцеларија за административни услуги на територијата на Општина Прилеп – „Центар за услуги – ЕТУ Прилеп“.
Како што информираат од Министерството за дигитална трансформација, посетата е закажана со почеток во 11:00 часот.
По тој повод, предвидени се изјави за медиумите од страна на министерот Андоновски и градоначалникот Проданоски. Изјавите ќе бидат дадени пред канцеларијата, која се наоѓа на ул. „Прилепски бранители“ бр. 10 во Прилеп.
Од Министерството апелираат до медиумските екипи, заради навремена техничка подготовка, да пристигнат 15 минути пред почетокот на настанот.
