Зеленски понуди испраќање на украински експерти за противдронска одбрана на Блискиот Исток, но со јасен услов – арапските лидери да извршат притисок врз Путин да прифати едномесечно примирје во војната со Русија.
На дипломатски план, преговорите висат во воздух, најверојатно локацијата за следната средба меѓу американски и руски претставници допрва ќе се утврдува. Лидерот на Украина негодува што унгарскиот и словачкиот премиер Орбан и Фицо не изразиле никаква благодарност за обновувањето на нафтоводот „Дружба“.
Испораките на руска нафта за Унгарија и Словачка беа прекинати од 27-ми јануари кога, според соопштението на Киев, во руски напад бил оштетен нафтоводот, додека Словачка и Унгарија ја обвинија Украина за прекинот на неговата работа.
