Во Созопол, Република Бугарија, заврши Меѓународната ликовна колонија што се одржа во рамките на франкофонскиот фестивал „Солеј“, на која учествуваа уметници од повеќе европски и регионални земји, соопштуваат од Македонскиот културно-информативен центар во Софија.
Република Македонија на оваа колонија беше претставена од ликовните уметници Сергеј Андреевски, Марјан Ѕингаров и Иво Пецов.
Во текот на неколкудневниот престој, учесниците работеа на создавање уметнички дела инспирирани од локалниот амбиент, при што колонијата претставуваше можност за размена на искуства, идеи и различни ликовни пристапи меѓу уметниците.
Во рамки на програмата беа реализирани заеднички активности и презентации, со цел поттикнување на соработката и уметничкиот дијалог.
Организацијата и учеството на македонските уметници беа поддржани од Македонскиот културно-информативен центар во Софија, кој континуирано овозможува нивно присуство на меѓународни културни настани.
Со затворањето на ликовната колонија беше заокружено овогодишното издание на фестивалот „Солеј“.
