По повод верскиот празник „Воскресение Христово – Велигден” кој ќе се одбележува утре, 19 април 2025 година, Единицата за безбедност на патниот сообраќај при СВР Скопје ќе воведе посебен режим на сообраќај на некои сообраќајници во централното градско подрачје на Скопје, како и во општините Ѓорче Петров и Аеродром.
Сообраќајот ќе биде регулиран во периодот од 18:00 часот, па до завршувањето на настанот по повод празникот. За време на овој период, во центарот на градот Скопје по потреба ќе бидат затворени следниве улици и булевари:
- Бул.„Партизански Одреди – од крстосница со ул.„Франклин Рузвелт” до крстосница со бул.„ВМРО”
- Бул.„Св. Климент Охридски – од крстосница со бул.„Илинден” до крстосница со ул.„Димитрие Чуповски”
- Ул.„Митрополит Теодосиј Гологанов” – од крстосница со ул.„9-ти Мај” до кружна крстосница со ул.„Св. Кирил и Методиј”
Сообраќајот на автобусите кои поминуваат преку мостот „Гоце Делчев” ќе биде изменет по потреба. Трасата на движење ќе биде променета, па автобусите ќе се упатуваат по бул.„Илинден” и преку ул.„Франклин Рузвелт” ќе се вклучуваат на бул.„Партизански Одреди”. И обратно, автобусите ќе ги користат истите сообраќајници.
Во општина Ѓорче Петров, по потреба ќе се затвори ул.„Македонска Војска”, пред црквата „Свети Петар и Павле”, на потегот од крстосница со бул.„Партизански Одреди” до ул.„Ѓорче Петров”.
Во општина Аеродром, по потреба, ќе биде затворен локалниот пат кон с. Лисиче.
Затворање на други сообраќајници околу верските објекти може да се случи по потреба.
Министерството за внатрешни работи апелира до граѓаните да ги почитуваат наредбите што ги издаваат полициските службеници и да бидат внимателни за време на сообраќајните промени.
