Замислете што ќе прави премиерот Талат Џафери, кога гледаме што прави собраниски спикер Талат Џафери, предупредува неговиот довчерашен сопартиец Изет Меџити. Изборот на член на ДИК на предлог на албанската опозиција, стана причина власта да прави драми во Собранието и на еден начин да бара влакно во јајце, за да не се избере член на Комисијата. Според Меџити тоа е доказ дека СДСМ и ДУИ се исплашени од голем пораз на изборите и ќе тргнат во обид за изборен фалсификат.
-Замислете од законодавна власт кои проблеми ги створува и може да замислиме какви проблеми ќе направи кога ќе биде на функција технички премиер. И ова покажува и докажува дека се исплашени од избориве, ги чека казната на народот и затоа посегнуваат по вакви сценарија за фалсификување на изборите, се да има само фер и демократски избори да нема, вели Изет Меџити за Алфа.
Во оваа ситуација и со ваков состав ДИК можеби ќе биде и нефункционална, кога после изборите би имало жалби од политички партии. Според Меџити токму тоа е и целта на власта.
–Правната држава е на дно, остана само изборите да ги валкаат, така и почнаа. ДИК е предвидено претседател да е од опозиција и да има седум члена, непарен број за полесно да функционира. Но, сакаат нешто друго, да ја остават ДИК со шест члена и тоа значи дека често може да дојде до одлуки, каде што ќе биде 3:3 и мора да се оди на Управен Суд, вели Меџити.
Меџити вели дека власта сама се заглавува во својата кал, бидејќи секој член на ДИК некогаш бил член на некоја партија, а како пример го даде и Кренар Лога, кој во моментов е министер.
-Нашиот кандидат што е предложен таму, нема никаква политичка функција, за тоа има заверено и на нотар и се како што е предвидено со законот. Така да, не држи ниту еден аргумент на господинот Џафери. Овој сегашниов министер за правда до вчера беше на член на ДИК, така да само се вплеткува во мрежата за фалсикување на изборите, вели Меџити.
Инаку последно, за власта голем проблем стана што предлогот на БЕСА, односно здружената албанска опозицијата, Абдуш Демири, во својата биографија напишал дека во минатото бил генерален секретар на својата партија, па поради тоа решија да го блокираат неговиот избор во Собрание, иако во моментов нема никаква партиска функција. Инаку, Талат Џафери испрати писмо до албанската опозиција најдоцна до понеделник, 18-ти декември да достават свој предлог за член на ДИК, иако веќе имаат предложено.
Матеја Петровски