Ќе се соочи ли Заев со отпор од”своите” за владината коалиција со Ахмети?Дел од порталите на албански јазик пишуваат дека потпретседателот на СДСМ Мухамед Зекири и Фадил Зендели од БЕСА се незадоволни од одлуката на Заев да коалицира со интегративците. Наводно му се заканиле со негласање за владата доколку биде продолжено партнерството со Ахмети. Зекири остро се спротивставувал на нова влада повторно со ДУИ, а Зендели бил уште по одлучен предупредувајќи го заев дека ако се договори со партијата на Ахмети ќе излезе од коалицијата и ќе дејствува како независен пратеник.
Зекири не одговараше на телефонските повици за да ја потври или демантира оваа информација, додека Зендели беше воздржан во коментарот и рече дека ќе го чека финалниот исход од преговорите за влада.
“Да видиме што конкретно ќе биде договорено, па потоа ќе го изнесам мојот став”
Инаку на денешната средба на заев и Ахмети се очекува конечен договор за формирање влада. Вчера соопштија дека е постигнат напредок. Двете партии информираа дека е постигната начелна согласност во однос на распределбата на одговорностите според ресори, без да откријат детали за кадровските решенија.
Според она што се шпекулира во јавноста министерските позиции се веќе договорени, а средбата Заев- Ахмети е само про форма. Првата година неофицијално премиер ќе биде Насер Зибери. ДУИ ги добива и министерските места во одбрана, мвр, екологија, информатичко општество и администрација и вицепремиерско место. министерството за правда останува во рацете на СДСМ, а неофицијално ќе го води Никола Димитров. и во финансии неофицијално ќе седне социјалдемократ. Според шпекуклациите и секторот образование ќе го води кадар на Заев. СДСМ се шпекулира дека ќе ги имаат здравство, труд и социјала и земјоделство. Други информации пак говорат дека ДУИ нема да добие дел од премиерскиот мандат или евентуално само о техничката влада, а би ги добил и мнр и министерството за финансии за каде се споменува Фатмир Бесими. Во тој случај министер за внатрешни работи повторно би бил Оливер Спасовски, а Талат Џафери во сите варијанти е опција за спикер на парламентот.
Градимир Марковски
