Суспендираната и разрешената апелациска судијка Наташа Савовска-Димитровска го повикува Судскиот совет да постапи законски откако Врховниот суд донесе одлука да се повтори постапката за нејзиното разрешување, како и за разрешувањетто на судијката Роза Георгиева кои одлучувале во спорот меѓу македонски Телеков и штипскиот интернет провајдер Фокуснет. Станува збор за штета од вртоглави 4 милиони евра кои телеком поради злоупотреба на монополска положба треба да ги исплати на штипскиот провајдер,
Савовска Димитровска тврди дека информациите за постоењето на двоен записник се обични шпекулации кои го нарушуваат нејзиниот интегритет. Обвини дека Судскиот совет одлучувал под влијание на центри на моќ односно дека членката Тања Чачарова Илиевска не смеела да поднесе барање за одговорност бидејќи била членка на претседавачкиот одбор на Телеком. Според неа, таа добивала и паричен надомест од Телеком, па затоа има судир на интереси. Савовска Димитровска во Стразбур ќе докажува дека Чачаровска Илиевска направила повреда. Поднесена е и пријава до Антикорупциска за судир на интереси, но досега оттаму ништо не е направено.
Според јавно достапниот извештај на Судскиот совет за предметот „Телеком“, утврдувањето на вистината е во надлежност на Обвинителството. Но оттаму индормираат дека се води предистрага за овој случај, но не за постапувањето на разрешената судијка. Во извештајот се наведува дека постојат спротивставени изјави на судиите, вклучително и тврдење дека во предметот завршил погрешен записник, поради што Судскиот совет оценил дека е потребна истрага надвор од неговите ингеренции и предметот го доставил до Основното јавно обвинителство Скопје. На обвинувањето на третата судијка која постапувала заедно со Савовска Димитровска дека и бил вршен притисок, адвокатот на судијката негира.
Инаку, Тања Чачарова Илиевска пред да влезе во Судски совет била донатор на СДСМ и претходно советничка на екс премиерот Зоран Заев. Таа е избрана од Собранието како член што не доаѓа од редот на судиите, односно како истакнат правник, по предлог на пратеници од тогашното парламентарно мнозинство на СДСМ.