Реформата во високото образование не се прави со политичка ароганција ниту со наметнати одлуки. Таа се прави со слушање на студентите, професорите и институциите кои секојдневно се соочуваат со предизвиците на високото образование, наведува Вреди во соопштение.
Токму затоа, ВЛЕН го избра патот на консултација. Ги слушнавме академската заедница и албанските универзитети. Затоа денес можеме да кажеме дека најголемиот дел од нивните предлози се одразени во конечниот текст на законот.
Ова има тежина, бидејќи ја истакнува разликата меѓу оние кои со години наметнуваа наводни решенија одозгора, без да слушаат никого, и ВЛЕН кој слуша, коригира и презема одговорност, како што му доликува на едно демократско општество.
Едно од главните достигнувања е укинувањето на Х-индексот како основен критериум за оценување на академскиот кадар. Исто така, гарантираме дека ниту еден вработен нема да го изгуби своето работно место. Напротив, законот отвора повеќе простор за професионален развој и академско напредување.
По измените од 2018 година, кои се покажаа како нефункционални, сега се прават потребните корекции за високото образование да биде поквалитетно и поблиску до потребите на студентите и пазарот на трудот.
За ВЛЕН студентот е во центарот, универзитетот е основа на развојот, додека албанското образование останува национален приоритет.
