Претставникот на ВЛЕН, во својство на министер за европски прашања, Орхан Муртезани, во последните денови престојуваше во Јапонија каде што оствари плодни средби со претставници на Јапонската агенција за меѓународна соработка (JICA) и важни личности и бизнисмени во Јапонија. Ваквите средби означуваат важен момент во нашите билатерални односи со Јапонија, велат во партиското соопштение од Колаицијата ВРЕДИ.
Соработката со JICA има долга и консолидирана историја што вклучува децении пријателство и конкретна солидарност. До денес, Јапонија инвестираше над 421 милион долари во клучни проекти за развој на Северна Македонија. Овие инвестиции вклучуваат витални сектори како што се здравството, заштитата на животната средина и поддршката на малите и средни претпријатија – носејќи опипливи придобивки за нашите граѓани и економијата на нашата земја.
За време на дискусијата, беше нагласена важноста од отворањето канцеларија на JICA во Северна Македонија, иницијатива што ќе ја интензивира координацијата, ќе ја зајакне институционалната соработка и ќе го олесни спроведувањето на нови проекти на терен. Физичкото присуство на JICA во Скопје би донело нов ритам во нашата соработка и би послужило како точка на контакт за долгорочни проекти.
Гледајќи кон 2025 година и понатаму, ја потврдивме нашата посветеност да продолжиме со нови иницијативи во областа на туризмот за мали и средни претпријатија, со што ќе го зајакнеме локалниот економски развој и ќе изградиме поодржлив модел на развој.
Партнерствата како она со Јапонија не се само изолирани проекти, туку дел од сеопфатен пристап насочен кон зголемување на институционалните капацитети и подобрување на животот на граѓаните.
ВЛЕН е посветен на економскиот развој за да им го олесниме животот на нашите граѓани!, стои во соопштението на Коалицијата.
