Повторно блокади најавија од „Паркови и зеленило“. Вработените таму, заедно со колегите од „Флораком“ и „Луна“ повторно излегоа на протест – незадоволни поради неисплатената септемвриска плата. Денеска ја блокираа „Илинденска“. Откако директорот повторно одбил да ги прими на разговор. Од Синдикатот предупредуваат дека се соочуваат и со ризик да останат без здравствено осигурување. Претседателот на синдикатот, Ристевски, најави дека доколку до 28 октомври раководството продолжи да ги игнорира, не ја исклучуваат и можноста за штрајк.