Состојбата на настраданите во пожарот згрижени во Србија е тешка, но стабилна, јавува РТС. Синоќа на Ургентниот центар во Белград пристигнале уште осум пациенти тешко повредени. Сега во оваа медицинска установа се згрижени вкупно 17 пациенти.
Во Србија вкупно се згрижени 29 повредени во страшниот пожар што ја зафати дискотеката „Пулс“ во Кочани. Тие се сместени во четири здравствени установи во Србија – Воената болница и Клинички центар во Ниш, Во Белград во ВМА и во Ургентниот центар. Сите имаат сериозни повреди опасни по живот, вели во изјава за РТС професор д-р Милан Стојичиќ, директор на Клиниката за пластична хирургија, додавајќи дека тројца од осумтемина се на респиратор.
