Во Скопје лидерска средба ЕУ – Западен Балкан за планот за раст

Скопје денеска и утре ќе биде домаќин на значајна лидерска средба, ЕУ-Западен Балкан. Средбата ќе биде посветена на напорите за забрзување на спроведувањето на планот на ЕУ за раст на Западен Балкан. На средбата ќе присуствуваат еврокомесарката за проширување – Марта Кос и лидерите на сите земји од Западен Балкан. Покрај домаќинот, македонскиот премиер – Христијан Мицкоски, во Скопје ќе бидат и претседателите на владите на Албанија, Босна и Херцеговина, Србија, Црна Гора и Косово. Дводневната средба започнува денеска со средба меѓу премиерот Мицкоски и комесарката Кос.