Преговорите за составувањето на советнички листи на владината коалиција ВМРО-ДПМНЕ, Вреди и ЗНАМ се одвиваат во добра насока. Премиерот Христијан Мицкоски вели дека во оние општини каде што ВМРО-ДПМНЕ нема да има свои кандидати, ќе бидат поддржани кандидатите на коалициските партнери – Вреди и ЗНАМ.
Мицкоски е уверен дека новите имиња кои ќе влезат во локалната власт, а се кандидати од владината коалиција, ќе работат многу повеќе од минатата власт и ќе дадат сè од себе за подобрување на состојбите во општините.
