Во единственото средно училишта во Дебар, гимназија „28 Ноември“, во учебната 2025/2026 година образованието го завршуваат 111 ученици, што е за 15 помалку од минатата учебна година, додека во гимназијата „АТА“ во Центар Жупа, 23 или тројца ученици повеќе споредено со минатата година.
-Во нашата образовна институција средното образование го завршуваат 111 ученици, од нив 30 со настава на македонски јазик, при што за државна матура се пријавени 27 додека за училишна матура тројца ученици. На албански наставен јазик, се 78 од нив 65 за државна додека останатите 13 за училишна матура, рече Аргетим Трепча, директор на гимназијата во Дебар.
Во гимназијата „АТА“ во соседната општина Центар Жупа тековнава учебна година, средното образование го завршуваат 23 ученици, што е за тројца повеќе споредено со минатата учебна година.
Од нив, според директорот Сабри Асан, четворица ученици се на македонски наставен јазик, сите пријaвени за училишна матура. На турски наставен јазик се 19 од кои 16 се пријавени за полагање државна, додека тројца за училишна матура.
Како изминатите две години гимназијалците од Центар Жупа, испитите најверојатно ќе ги полагаат во просторите на гимназијата во Дебар, која располага со поголем и посоодветен простор.
