Стигна реакција од ВМРО-ДПМНЕ. За нив Жерновски е внук на бугарски кмет, неуспешен политичар, неуспешен дипломат, самопрогласен амбасадор, човек без кичма, став и достоинство, измеќар на Заев и Филипче.
„Овој човек без грам кредибилитет, пред да говори за тоа кој говори вистина, а кој лага, треба прво сам да се погледне во огледало. Тој е истиот оној кој лажеше дека трибина од стадион кај и да е ќе падне, па еве 15 години по тоа уште стои. Како пред 15 години, така и денес – лаже. Истата шема, истите лаги, истите луѓе.
Жерновски е човек кој 30 години нема ништо направено добро за државата, а исто толку години е и во политиката. Прелетач од ЛДП во СДСМ, само затоа што така му нареди Зоран Заев. Затоа и денес жестоко го брани Филипче, затоа што така му има наредено Заев.
До следната лага искажана од СДСМ, Жерновски или Филипче, ги потсетуваме дека се опозиција во Македонија, не во Србија“, се вели во реакцијата од ВМРО-ДПМНЕ.
