По повеќе од година дена поминати во бегство, на граничниот премин Блаце е приведен поранешниот вицепремиер во коалицијата на СДСМ и ДУИ, Артан Груби. Поранешниот вицепремиер Артан Груби се поврзува со сериозен криминал и корупција во периодот на владеењето на СДСМ и ДУИ. Осомничен е за проневера во службата за случајот со „Државна лотарија“. Штетата на државата од неговите постапки е над 8 милиони евра со индиции сумата да биде и значително повисока, наведува ВМРО-ДПМНЕ во денешното соопштение
Во јавноста беа изнесени сомнежи дека заедно со тогашниот директор на „Државна лотарија“, Бајрами, биле спроведувани спорни тендерски постапки и исплаќани аванси кон деловни партнери.
Во СДСМ знаеле за криминалот на Груби и молчеле и не реагирале.
За да опстане ден повеќе на власт, СДСМ ги толерирал злоупотребите што се случувале во „Лотарија“ под раководство на Бајрами, а под покровителство на Груби тоа го потврди и извештајот на ДЗР.
Јавноста очекува институционална разрешница.
Борбата против криминалот и корупцијата е приоритет, а секој што постапувал спротивно на законот ќе мора да одговара во согласност со правниот поредок.
