Жерновски се приклучи кон политиките што го поткопуваат угледот и позициите на Македонија. Жерновски се стави во служба на странски наративи на штета на македонскиот идентитет и македонските интереси. Жерновски со структури од СДСМ продолжува со сервилноста во корист на странски агенди, а на штета и удар на македонскиот идентитет и позиции, соопшти ВМРО-ДПМНЕ.
„Жерновски, по сите неуспешни обиди во политиката, од градоначалнички избори до дипломатски активности се стави на располагање заедно со Филипче да бидат најголемите поборници на бугарските агенции и бугарските интереси во државата.
Жерновски повторно зборува во полза на бугарскиот наратив за Македонија. Со оглед на неговото семејно потекло и фактот дека неговиот дедо бил бугарски кмет тоа воопшто не му претставува проблем“, потенцираат од ВМРО-ДПМНЕ.
Од владејачката партија потенцираат дека сервилноста на Жерновски, Филипче и СДСМ ја доведе Македонија во понижувачка позиција каде Бугарија отворено ја негира македонската нација, македонскиот јазик и идентитет.
ВМРО-ДПМНЕ нема да молчи кога структури на СДСМ се обидуваат да ја извртат историјата и да ги рушат позициите на Македонија. ВМРО-ДПМНЕ останува посветена на заштита на националните интереси и достоинството на македонскиот народ, стои во соопштението на владејачката партија.
