ВМРО-ДПМНЕ: Стратешкото партнерство ќе овозможи инвестициски циклус – ќе се градат факултети, болници, железници

На Филипче и на СДСМ му смета во Македонија да се инвестира, да се развива економијата, инфраструктурата, образованието, да се градат болници, реагираат од ВМРО-ДПМНЕ.
„Филипче и СДСМ сакаат само за нив да има. Тие да бидат тие коишто ќе инвестираат во милионски бизниси по странски држави, за кои милионски инвестиции добиваат и златни визи. Договорот за стратешко партнерство со Обединетото Кралство е договор кој ќе овозможи инвестициски циклус со кој ќе се развива и трансформира државата“, велат од владејачката партија.
Од таму додаваат: СДСМ се тие кои за седум години владеење ја задолжуваа државата, а при тоа, парите завршуваа во приватни џебови, наместо за реализација на капитални инвестиции од кои корист би имале и граѓаните и државата. За седум години власт, СДСМ ја остави државата во урнатини, со уништени и опљачкани институции, со осиромашени граѓани, се наведува во партиското соопштение.