Иако сите услови и законски критериуми беа исполнети за посочената фирма на бизнис партнерот на Заев, Миодраг Давидовиќ – Дака, сепак Владата предводена од ВМРО-ДПМНЕ ќе ги преземе сите потребни законски можности истата фирма да биде исфрлена и да нема можност да гради и инвестира во енергетски објекти, се вели во соопштението на ВМРО-ДПМНЕ.
Благодариме на СДСМ, кои доста добро знаат кои се фирми се во директна или индиректна сопственост на Дака и ја споделија информацијата во јавност, и нека не се грижат нема да биде „како до сега’’, фирмата нема да добие можност да се бави во енергетската дејност.
Нас овие познавања од страна на СДСМ за фирмите на Дака не не чудат бидејќи како што слушавме од аудио снимките, 300.000 евра и 2.000 квадратни метри земјиште завршило кај Заев во замена за услуга. Ваквите проруски бизнисмени секогаш се поврзуваат со Филипче, Заев или СДСМ.
Да ја потсетиме јавноста дека освен Дака, проруските бизнисмени Онишченко и Марковски доста добро соработуваа и заработуваа со Заев, Филипче и СДСМ.
Синоним за криминал и корупција се Заев, Филипче и СДСМ. ВМРО-ДПМНЕ нема да оди по стапките на криминалната власт на СДСМ, туку напротив, ќе работи чесно, одговорно и транспарентно.
