ВМРО-ДПМНЕ реагира на најавените амандмани на СДСМ за измена на Кривичниот законик, обвинувајќи ја опозициската партија за лицемерие и политичко глумење.
„Монти пајтон на СДСМ. Кривичниот законик што го укинаа во 2023 година и со којшто се амнестираа нивни функционери, сега поднесуваат амандмани да го вратат. Сите штетни договори, тендери и закони се потпишани во нивно време. Па и оние што ги укинаа – како членот 353 со кој си се амнестираа од криминал и си ги заштитија своите функционери“, наведуваат од вмро-дпмне.
СДСМ претходно најави дека поднесуваат повеќе амандмани за измените на кривичниот законик, меѓу кои и измена на членот 353 – „злоупотреба на службената положба и овластување“ и враќање на решението што важеше пред измените од 2023 година.
„Сегашните измени кај членот 353 ја намалуваат одговорноста кај најважното – тендерите. Ова мора да се промени“, велат од СДСМ.
