Предавствата се генетски код на СДСМ, отстапки, компромиси и сервилност се синоними за СДСМ за клучните државни одлуки и промени кои ја обликуваа државата. Филипче и СДСМ и денес се подготвени на отстапки поврзани со јазикот, културата и идентитетот само поради власт и свои лукративни цели, се вели во соопштението од ВМРО-ДПМНЕ.
СДСМ на чело со Филипче исто како и неговиот ментор Заев повтроно ја ставаат државата на распродажба, нудејќи ги најчувствителните национални прашање како карта за да се дограбат до власта.
Прашањата за идентитетот и историјата, не смеат да бидат предмет на политичко пазарање. Пристапот на СДСМ и Филипче за односите со Бугарија наликува на прифаќање на туѓи наративи на штета на македонскиот јазик, историското наследство, идентитетот и националните интереси на државата.
Филипче и СДСМ немаат проблем со тоа македонскиот јазик да е бугарски дијалект, Македонија да е дел од Бугарската држава, Гоце Делчев, Питу Гули, Јане Сандански да се пишат дека се Бугари, само да дојде тој на власт и да може да краде.
СДСМ и Филипче да престанат да ја манипулираат јавноста со наративот „ уште една мала отстапка“ ќе ја донесе државата до ЕУ. Таа приказна на СДСМ се повторува со децении, а не дава никаков резултат.
Македонија даде многу и направи големи чекори и голем влог за ЕУ интеграциите. Но, граѓаните се уморни и ја препознаваат матрицата на СДСМ на празни ветувања и политички пазар на штета на националните интереси.
СДСМ да престане да манипулира. Приказна на СДСМ за “последниот чекор“ се повторува со децинии, од знаме, име, уставни промени и тоа никогаш не е последен чекор. Довербата опаѓа, реалните резултати изостануваат, а цената што се плаќа е се поголема. СДСМ 35 години води сервилна политика и ги лаже граѓаните.
ВМРО-ДПМНЕ за разлика од СДСМ има јасни и цврсти позиции. Владата предводена од ВМРО-ДПМНЕ води политика што ги штити националните интереси и достоинството на македонските граѓани.
