ВМРО-ДПМНЕ објави 25 кандидати за градоначалници – најголем дел од актуелните во трка за нов мандат

ВМРО-ДПМНЕ со проверени кадри на локалните избори. Најголем дел од актуелните градоначалници ќе ја бараат довербата за уште еден мандат од граѓаните. Извршниот комитет на партијата утврди 25 имиња, за кои во владејачката партија велат дека сериозно водат на анкетите. За останатите општини кандидатите ќе бидат објавени до 10 јуни. Сè уште се прават анкети и анализи за кандидат за Град Скопје. Повеќе имиња се во игра, а како што рече генералниот секретар на партијата, Ѓорѓија Сајкоски, повеќепати се споменувани во јавноста. Потврди дека се мери рејтингот на министерот Златко Перински и градоначалникот на Кисела Вода Орце Ѓорѓиески. Во меѓувреме се одвиваат и внатрепартиски избори за советници, преку месните и општинските комитети, а ги повикаа и неопределените граѓани да дадат свои предлози за советничките листи.