Манипулациите со работниците не поминуваат, на ССМ и на СДСМ веќе никој не им верува. Од ден на ден сè повеќе ја губат и онаа мала поддршка што ја имаа од граѓаните. Тоа се виде на дебаклот од изминатиот викенд, каде што на протестот на ССМ, наместо да има вистински работници, имаше само партиски челници на СДСМ, кои со маици со логото на партијата беа во првите редови, се наведува во соопштението од ВМРО-ДПМНЕ.
Целата организација и логистика на таканаречениот синдикален протест беше во рацете на лица од општинските организации на СДСМ. Но, на крајот, и ССМ и СДСМ доживеаја фијаско и автобусите до Скопје патуваа празни.
Тоа е јасен доказ дека СДСМ и ССМ се прочитани и дека дури ни нивните членови не им веруваат. Исто така, се докажа дека работникот не го поддржува овој политички театар на ССМ во координација со СДСМ.
Ова ССМ на чело со Слободан Трендафилов свесно се стави во служба за заштита на интересите на СДСМ, а не во заштита на правата на работниците.
Неколкутемина во врвот на ССМ со Трендафилов на чело работат директно во интерес на СДСМ и нивните политики, а нивната крајна цел е да ѝ наштетат на Владата, која посветено работи и дава максимални напори за да овозможи подобри услови и повисоки плати за сите.
Меѓу ССМ и СДСМ нема разлика и затоа сè повеќе вистинските работници, кои се членови на синдикатот, се прашуваат дали се дел од синдикално здружување или од политичката партија.
Но она што многу добро работниците го знаат е дека и СДСМ и ССМ не работат во нивен интерес и не ги штитат нивните права.
Вистинскиот партнер на работникот и на сите граѓани останува ВМРО-ДПМНЕ, што со конкретни мерки и политики го подобрува животниот стандард, во континуитет ги зголемува платите и ја зацврстува економијата.
