Соопштение на ВМРО-ДПМНЕ:
„Година дена од неговото назначување, Јавниот обвинител Љупчо Коцевски е штит на криминалот и корупцијата на СДСМ.
Година дена Љупчо Коцевски, молчеше и ги бранеше членовите на СДСМ и блиски лица до Заев и Филипче, кои беа поврзувани со одреден криминал. И тоа продолжува и ден денес со тоа што СДСМ не гласаше за интерпелација на Коцевски, а тој без срам не поднесува оставка од морални причини.
Луѓето кои беа синоним за криминал и корупција се шетаат по улиците слободно, благодарение на Коцевски кој ниту еднаш не застана во одбрана на правдата, туку во одбрана на СДСМ и лицата блиски до Заев и Филипче.
Иако СДСМ со месеци го повикуваше Коцевски дека не работел по прописите, сега кога тој треба да си оди од таа функција, на СДСМ тоа не им одговара затоа што знаат дека нема веќе кој да ги штити.
Затоа, потребна е итна оставка од ЈО Коцевски, и правдата да излезе на виделина. ВМРО-ДПМНЕ ќе направи се за правдата и граѓаните да бидат задоволени!“
