Од ВМРО-ДПМНЕ велат дека во услови кога случувањата на Блискиот Исток ја прават состојбата на енергетските пазари динамична, со цени кои варираат од час во час, Владата неуморно работи да обезбеди енергетска стабилност.
Целта е Македонија да има енергенси по најевтини цени во регионот, дури и покрај глобалните притисоци кои укажуваат на можни поскапувања. На пример, во соседните држави цените се повисоки за 40, 50, па дури и 60 проценти.
Затоа Владата одржа средба со претставници на нафтената индустрија, со цел да се координираат мерки и да се преземат сите можни чекори.
Опозицијата, пак, од друга страна, се служи со празни флоскули и се занимава со сè освен со тоа што треба. Но, тоа не е неочекувано, затоа што од нивната практика досега се гледа дека не им е јасно, ниту пак покажале дека знаат да се справат со криза.
Пример е лидерот на СДС, Венко Филипче, кој, како што велат од ВМРО-ДПМНЕ, покажал дека не му е баш гајле за граѓаните кога се обидувал да профитира со вакцините против ковид и се обидел да врши набавка на истите преку компанија за јужно овошје по трипати повисока цена, кога ги приморал граѓаните да одат и да се вакцинираат во соседни земји, па правел шоу на граница за 5.000 вакцини, се вели во денешното соопштение од ВМРО-ДПМНЕ.
