Соопштение на ВМРО-ДПМНЕ:
„Миленикот на Стево Пендаровски и „братот“ на Зоран Заев, Бојко Борисов се пофали дека тој лично стои зад предлогот за бришење на македонскиот идентитет и македонскиот јазик од Резолуцијата на Европскиот парламент.
Поданичката политика на Заев и СДСМ во надворешната политика кои наместо да ја штитат државата и националните интереси, ја доведоа државата во ќорсокак, како и можност за понатамошна блокада од страна на Бугарија со дополнителни барања.
СДСМ, Заев и Филипче со својата сервилност отидоа дотаму што отворено покажуваат дека се спремни и да се откажат од националните обележја, само да дојдат повторно на власт.
Дали СДСМ, Заев и Филипче се директно вмешани во иницијативата која ја понижи Македонија?
Со оглед на фактот дека Заев тврдеше дека македонскиот и бугарскиот народ се исти како и јазиците, се поставува прашањето дали СДСМ стои позади оваа антимакедонска иницијатива?
СДСМ делува како заштитник на бугарскиот наратив а во тоа секојдневно се приклучува по некој кој е дел од нивните структури, последен во низата е Андреј Жерновски.
Наместо конструктивна опозиција и лобирање во насока на заштита на македонските државни интереси, СДСМ повторно избра да брани туѓи агенди и да ги штити бугарските интереси.“
